Мұзға тайып құлаған депутат: " Нұр-сұлтан билігі көшені дұрыс тазаламайды"

Мәслихат депутаты Мирас Шекенов көше нашар тазаланғаннан, тайып құлағанын жеткізді, – деп хабарлады Sputnik Қазақстан.

Депутат Мирас Шекенов қала тазарту кезінде жаяу жүргіншілерге арналған тротуардың дұрыс тазартылмайтынын айтып, коммуналдық қызметкерлерді сынның астына алды. 

– Кеше ғана жол үстінде құладым. Қарлы боранның болғанын бәрімізде білеміз. Менің орнымда кез келген адам болуы мүмкін еді. Бұдан тіпті қауіпті жарақат алу да ғажап емес. Сондықтан қала көшелері жоғары деңгейде таза болуы керек, – деді ол.