06 Тамыз, 2021 NEWS
Фото: БҚО-ның полиция департаменті
Батыс Қазақстан облысы Шыңғырлау ауданы әкімдігінің Құрылыс және сәулет бөлімінде жұмыс істеген 35 жастағы қызметкер Жұлдыз Ахмерова жол апатынан көз жұмды. Бұл туралы өңірдің полиция департаменті хабарлады.
Қайғылы оқиға 4 тамыз Орал-Шыңғырлау тасжолында болған. Салдарынан "Нива" автокөлігінің жолаушысы оқиға орнында қайтыс болған. Ал көлік жүргізушісі жарақат алып, ауруханаға жеткізілген.
Қазір аталған іс бойынша Қылмыстық кодекстің 345-бабы (жол қозғалысы ережелерін бұзу немесе көлік құралдарын басқаратын адамдардың көлік құралдарын пайдалану) бойынша сотқа дейінгі тергеу басталды. Қажетті сараптамалар тағайындалды.
Аудан әкімдігінің хабарлауынша, бөлім мамандары қызмет машинасымен Ақшат ауылына бара жатқан. Ол Шыңғырлаудан 72 шақырым жерде орналасқан. Тұрғындардың өтініштері бойынша учаскелерді өлшеу қажет болды. Рөлде көлік жүргізуден тәжірибесі көп бас маман отырған. Белгісіз себептермен көлік аударылып кеткен. Осылайша 35 жастағы әйел оқиға орнында қайтыс болған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір