"100 пайыз тегін оқу". Тоғжанов студенттерге қатысты мәлімдеме жасады

Қазақстанда 9-сыныптан кейін колледжге оқуға түскен балалар үшін оқу тегін болады. Бұл туралы премьер-министрің орынбасары Ералы Тоғжанов мәлімдеді.

 – Колледждерде оқуға ниет білдірген 9-шы сынып түлектерін 100 пайызға тегін оқумен қамту жоспарлануда. Жыл сайын 9-шы сыныптан кейін 30 мың бала колледждерде ақылы негізде оқуда.

Олардың біразы қаржылық қиындықтарына байланысты колледждерді оқуын бітірместен тастап кететін жағдайлар да жоқ емес. Сондықтан жастарды, оның ішінде әсіресе аз қамтылған отбасыдан шыққан балаларды қолдау мақсатында оқуға ниет білдірген барлық 9-сынып түлектеріне колледждерде тегін білім алуға мүмкіндік жасалатын болады, –  деді премьер-министрің орынбасары.