«Nur Otan»: «ЖАСТАР – ОТАНҒА» ЖОБАСЫ ЖАЛҒАСЫН ТАБАДЫ

Шымкент – жастар қаласы. Ал жастар – ел болашағы. Қалада 264 мыңнан астам жастар бар. Яғни, қала халқының 26% құрап отыр. Осыған орай «Nur Otan» партиясы жастарға жан-жақты қолдау көрсете отырып, «Жастар – Отанға» жобасын жүзеге асыруды жалғастырмақ.

Осы және басқа да жобалар мен жастар үшін жасалатын ауқымды жұмыстарды насихаттау мақсатында «Nur Otan»-дық үміткер Гулям Шунгараева қала жастарымен кездесті. Жиын қатысушылары болған белсенді жастар өздерінің ұсыныс, тілектерімен бөлісе отырып толғандырған мәселелерін де қозғады. Сондай-ақ, «Nur Otan» партиясының «Өзгерістер жолы: Әр азаматқа лайықты өмір!» атты сайлауалды бағдарламасы бойынша жан-жақты түсіндіру жүргізілді.

Жастарды толғандыратыны әсіресе сапалы білім алу, жұмыссыздық, баспана, талантты жастарды ынталандыру мәселелері болды. Аталған талап-тілектердің барлығы партияның жұмыс жоспарына енгізіліп, кезең-кезеңімен оң шешімін табатынын айтты үміткер Гулям Шунгараева.

Айта кетейік, «Nur Otan» партиясы 2019-2021 жылдары өз ісін бастаймын деген жастарға жыл сайын «Бастау бизнес» және «Жас кәсіпкер» бағдарламалары бойынша 4 500 жасты оқытып, кемінде 2 000 жобаға 200 АЕК көлемінде грант бөлуін қамтамасыз етуде. Одан әрі «Бизнестің жол картасы» шеңберінде жыл сайын кемінде 100 жас кәсіпкерге жеңілдетілген несие алуға жағдай жасайды.

Сондай-ақ көпбалалы жас отбасыларға арналған «Шаңырақ» психологиялық, құқықтық, кәсіптік кеңес беру институты іске асырылады. Мұның бәрі атқарылатын жұмыстың бір бөлігі ғана. «Nur Otan» партиясы еліміздің жетекші саяси күші ретінде халқымыздың ынтымағы, еліміздің гүлденуі мен әрбір қазақстандықтың әл-ауқаты үшін жұмысын жалғастыратын болады.

Қиындықты еңсеріп, жеңіске бірге жетеміз.
«Nur Otan» нақты істер партиясы!

Шымкент қаласындағы "Nur Otan" партиясының сайлау қорының қаражатынан төленді.