10 Ақпан, 2020 NEWS
kaztag.kz
Алматы облысының әкімі Амандық Баталов өзінің орынбасары Бағдат Манзоровтың өз еркімен қызметінен босатылғанын мәлімдеді. Бұл туралы облыс әкімінің баспасөз қызметі хабарлайды.
– Бағдат Манзоров өз еркімен жұмыстан кетті. Ол өз қызметінде кәсіби және білікті маман болды. Арысты қалпына келтіруде жақсы жұмыс жасады. Сондай-ақ оның газдандыру саласына және модульді қазандықтарды орнатуға қосқан үлесін атап өтпеске болмас. Мен оған бар жақсылықты тілеймін, – деді Баталов.
Әкімнің экс-орынбасары өз кезегінде әріптестеріне атқарылған жұмыс үшін алғыс айтты.
– 7 айда көп нәрсе жасалынған жоқ. Алғашқы іссапар облыс әкімімен Арыста болды. Бірақ біз оны сәтті аяқтадық. Алматы облысы – менің кішкентай Отаным, сондықтан мен бұл бағытта жұмыс істегеніме қуаныштымын. Әрі қарай аймақтың өркендеуін тілеймін, – деп Манзоров соңғы сөзін түйіндеді.
Бағдат Манзоров Алматы облысы әкімінің орынбасары қызметіне 2019 жылдың шілдесінде тағайындалған. Ол тұрғын үй-коммуналдық шаруашылық және кәсіпкерлік пен туризм салаларына жауапты болды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір