Өмірзақ Шөкеев: Түркістан – Елбасының жобасы

Түркістан облысының әкімі Өмірзақ Шөкеев және Түркістан қаласының әкімі Рашид Аюповтың халықпен есеп беру кездесуі өтті. Жиында аймақ басшысы облыс орталығының әлеуметтік-экономикалық дамуына оң баға беріп, бірқатар нақты тапсырмалар жүктеді.  Бұл туралы Тengrinews хабарлайды. 

– Біріншіден, Түркістанға тарихи мәртебе беру – бұл «Елбасы» жобасы екенін есте ұстауымыз керек, сондықтан тарихи қаланың сәулеттік келбетін сақтау үшін біз оның дамуының үш негізгі бағытына тоқтадық. Үш аймақтың бірі – тарихи-мәдени аймақ, екіншісі – әкімшілік және іскерлік орталық, үшіншісі – ескі қаланы модернизациялау, – деді Шүкеев. 

Аймақ басшысының айтуынша, Түркістанды дамытудың маңызды мәселелерінің бірі – бұл қала тұрғындарын табиғи газ және кәрізбен 100% қамтамасыз ету. Тұрғындарды көгілдір отынмен қамтамасыз ету арқылы қаланың экологиялық жағдайын жақсартуға болады. Ыстық жазда климатты жақсарту үшін қалада жасыл белдеу мен суландыруды дамыту қажет. 

Сондай-ақ жыл сайын қалада тұрғын үйге сұраныстың артып келе жатқанын атап өтті. 

– Біз тұрғын үйлердің сыртқы келбеті мен сапасына үлкен мән береміз, тұрғын үйлерге коммуналдық инфрақұрылымды (абаттандыру, газ, су, кәріз, электр, жылу, байланыс және т.б.) жеткізу керек. Басты мақсат – қаланы өзгерту Түркістан – бұл тұрғындар мен қонақтар үшін ыңғайлы, қауіпсіз, таза және тартымды орталық, – деді ол.

Айта кету керек, бүгінде әкімшілік-іскерлік орталықта жалпы ауданы 575,8 мың шаршы метр болатын 156 көп пәтерлі үй немесе 7459 пәтер салынуда. 2019 жылдың соңында 32 тұрғын үйдің құрылысы аяқталып, 1 701 пәтер пайдалануға берілді. Сонымен қатар, өткен жылы қалада 100 көше төселген болатын, биыл облыс орталығының тағы 100 көшесінің жолдарына асфальт төселетін болады.