• USD 468.56

  • EUR 497.56

  • RUB 7.3

  • CNY 67.18

16 Маусым, 10:19:40
Алматы
+35°

23 Мамыр, 2024 NEWS

Биыл бакалавриат мамандықтарына 80 мыңға жуық грант бөлінді

Бұл туралы Ғылым және жоғары білім министрлігі Жоғары және жоғары оқу орнынан кейінгі білім комитеті төрағасының орынбасары Жанна Есинбаева айтып берді.

Көрнекі сурет

«2024-2025 оқу жылына арналған мемлекеттік білім беру тапсырысы бекітілді. Түлектер қандай бағыттар, білім беру бағдарламаларының қандай топтары бойынша қанша грант бөлінгенін көре алады. Биыл Ғылым және жоғары білім министрлігінің желісі бойынша бакалавриат деңгейіне 78 219 грант, магистратура деңгейіне – 13 119 және докторантура деңгейіне – 1 919 грант бөлдік», - деп толықтырды Жоғары және жоғары оқу орнынан кейінгі білім комитеті төрағасының орынбасары Жанна Есинбаева.

Оның айтуынша, биыл гранттардың ең көп саны инженерлік-техникалық бағыттарға беріледі. Бұл Мемлекет басшысының мемлекеттік тапсырыстың 60%-дан астамын техникалық бағыттар бойынша мамандар даярлауға беру тапсырмасына сәйкес жасалған.

«Инженерлік ғылымдар, құрылыс ғылымдары, ақпараттық-коммуникациялық технологиялар, ақпараттық қауіпсіздік, жаратылыстану ғылымдары, математика, статистика – мұның барлығы мемлекеттік тапсырыстың жалпы көлемінің шамамен 60% құрайды», - деп нақтылады спикер.

Сонымен бірге, педагогикалық бағыттарға 13 мың грант бөлінді.

"Қамшы" сілтейді
Ілмек сөздер: ЖОО бакалавриат

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір