Ер адамдар Қазақстанның қай өңірінде көп?

Ұлттық статистика бюросы Қазақстан халқы санының 2024 жылдың 1 сәуіріне сәйкес ақпаратты жариялады. Елімізде 20 млн 95 мың 963 адам өмір сүреді екен.

Қалалық аймақтарда 12,5 млн адам тұрады. Қазақстандағы әйелдер саны ер адамдардан әлдеқайда көп: 10 млн 280 мың 498 әйел, 9 млн 815 мың 465 ер адам.

Әйелдердің саны көптігіне қарамастан еліміздің 3 өңірінде ер адамдар әйелдерден көп.

Бұл Алматы облысы – 769 мың 521 ер адам, 768 мың 353 әйел, Қызылорда облысы – 423 мың 922 ер адам және 419 мыі 461 әйел.

Түркістан облысы ерлер санының үстемдігі бойынша көшбасшы болды. Онда 1 миллион 093 мың 928 ер адам және тек 1 миллион 051 мың 285 әйел тұрады.