• USD 468.56

  • EUR 497.56

  • RUB 7.3

  • CNY 67.18

14 Сәуір, 02:01:36
Алматы
+35°

27 Қыркүйек, 2023 Экономика

Өзбекстанда электромобиль шығаратын зауыт ашылады

BYD Uzbekistan Factory электр және гибрид автомобиль шығаратын болады.

autostrada.uz

Өзбекстанның инвестиция, өнеркәсіп және сауда министрлігі мен Қытайдың BYD конгломераты 26 қыркүйекте инвестициялық келісімге қол қойды.

Құжатқа сәйкес, екі ел электр және гибрид автомобильдер мен олардың құрал-жабдықтарын Өзбекстанда шығара бастайды.

Министрліктің баспасөз қызметінің хабарлауынша, "Өзавтосаноат" пен BYD Auto бірлескен кәсіпорын құрып, оны BYD Uzbekistan Factory деп атайды. Бірлескен кәсіпорын электр және гибрид автомобильдер шығарумен айналысады.

Инвестициялық жобаның алғашқы кезеңінде 50 мың автомобиль шығарылса, ал екінші кезеңінде өндіріс көлемі жылына 300 мың автомобильге жетуі керек.

BYD Uzbekistan Factory Қытайдан тыс жерде электромобиль шығаратын алғашқы қытайлық бірлескен кәсіпорын атанады.

Өзбекстан президенті Шавкат Мирзияев сол күні BYD делегациясы мен оның президенті Ван Чуаньфуды қабылдады. Кездесуде электромобиль шығаратын өндірісті Жизақ облысында тезірек бастау керектігі айтылды.

Естеріңізге сала кейтік, "Өзавтосаноат" пен BYD Auto Өзбекстанда автомобиль шығару жайын 2022 жылғы тамызда келіскен. Сол кезде де тиісті келісім-шарт қабылданған. Ал 2023 жылдың басында BYD бренді Өзбекстан нарығына ресми түрде кірген.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір