Халықтық парламент не шешті?

Халықтық парламенттің алғашқы жиынында Рысбек Сәрсенбайұлы Алматыда және Қазақстанның басқа да қалаларында бейбіт митингі өткізуді ұсынды. Алматы бойынша Орталық алаңда митинг өткізуге рұқсат сұрау керегін айтты. 

Шара соңында Мұрат Оспанов парламент жиынының қарарын оқыды: 

1) Саяси тұтқындарды босату;
2) Әлихан Смайловты орнынан алу;
3) Президенттік жүйені парламенттік жүйеге ауыстыру;
4) Сайлау легитимді емес деп танылсын;
5) Сайлау қайта өткізілсін;
6) "Аманаттың" қызметін тоқтату күн тәртібіне қойылсын;
7) Петропавлдағы сеператистерге байланысты СҚО-дағы ҰҚК басшысы қызметтен алынсын;
8) Ресей үстемдігіне жол беруге болмайды;
9) Халық парламентінің негізі құжат ретінде қабылдансын. 

Алматыда өтетін митингі кезінде Рысбек Сәрсенбайұлы парламент жиынының қарарын оқып, билікке нақты талап қоятынын жеткізді.