12 Қаңтар, 2023 NEWS
![](/media/2023/01/12/crop-10_25_666x1184_5f4dede68dee7330666999.jpg?width=600&height=480)
Фото: Ашық дереккөз
14 қаңтарда өтетін Сенат депутаттары сайлауына республика бойынша 55 кандидат түседі. Бұл туралы Орталық сайлау комиссиясының төрағасы Нұрлан Әбдіров хабарлады.
"Сайлау комиссиялары берген мәліметке сүйенсек, сайлау бюллетеньдеріне жалпы 55 кандидат енгізілген. Алматыдан – 4 кандидат, Алматы, Жетісу, Жамбыл, Павлодар, Солтүстік Қазақстан, Түркістан облыстарының әрқайсысынан екі кандидат қатысады. Қалған аймақтар мен Шымкент, Астана қалаларынан үш кандидаттан қатысады", - деді Нұрлан Әбдіров.
Сенат депутаттарын сайлаушылар тізіміне 3 168 депутат тіркелген. Нұрлан Әбдіровтің айтуынша, сайлау учаскелері сағат 10:00-де ашылып, дауыс беру сағат 11:00-де басталады.
Еске салайық, 14 қаңтарда Сенат сайлауы өтетін болады. Жоғары палата депутаттарын жергілікті маслихат депутаттары сайлайды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір