23 Желтоқсан, 2021 NEWS
Фото: Kazday
Қазгидрометтің метеорологиялық болжам бөлімінің басшысы Дәулет Кисебаев 31 желтоқсанға арналған Алматыдағы ауа райы болжамын жариялады.
Мәліметке сәйкес, алдағы аптада ауа температурасы түнде -4 градус пен +1 градус аралығында болады. Күндіз 5-10 градус жылы болады деп күтіліп отыр.
31 желтоқсанда күн алабұлтты, жауын-шашынсыз, түнде 5 градусқа дейін суық, күндіз 5 градусқа дейін жылы болады. Тек 26 желтоқсанда қар аралас жаңбыр жаууы ықтимал.
Алматы қаласы бойынша желтоқсандағы жауын-шашын нормасы – 42 мм. Бүгінде бұл көрсеткіш тек 3,6 мм-ге ғана жетеді.
Дәулет Кисебаев желтоқсандағы күн райын аномалдық емес екенін айтады. Сөзінше, мұндай ауа райы 5-10 жылда бір қайталанып тұрады. Мәселен, 2011 жылы желтоқсанда күн 18 градусқа дейін жылыған кездер болған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір