• USD 424.85

  • EUR 504.21

  • RUB 5.84

  • CNY 65.86

17 Қаңтар, 01:24:09
Алматы
+3°

Семей қаласында оқу процесіне кедергі келтіріп, мұғалімдерді көше сыпыруға жіберген оқиғаға қатысты білім министрі Асхат Аймағамбетов пікір білдірді. Бұл туралы министр Facebook парақшасында мәлімдеді.

– Семей қаласында оқу процесіне кедергі келтіріп, мұғалімдерді көше сыпыруға жіберген. Шамасы, мұндай тапсырманы қала әкімінің орынбасары беріп, осындай мазмұндағы хат мектептерге таратылған. 2019 жылдың желтоқсанында қабылданған Заң шеңберінде педагогтерді өзіне қатысты емес қызметтерге тартуға тыйым салынады. Содан бері мұғалімдер тек тікелей функционалдық міндеттермен айналысуы керек екенін түсіну үшін уақыт жеткілікті болды, – деді министр.

Ол осындай әрекет үшін тәртіптік және әкімшілік жауапкершілікке тартудан бастап жұмыстан шығаруға дейін 200-ге жуық басшы жазаланғанын еске салды.

– Семей қаласындағы оқиғаға байланысты білім беру саласындағы сапаны қамтамасыз ету департаменті әкімшілік іс қозғап, тексеру жүргізіп жатыр. Қала әкімі орынбасарының осы жағдайға қатысы расталса, бұл лауазымды тұлға және өзге тұлғалар әкімшілік жауапкершілікке тартылады. Сондай-ақ, қажет шаралар қабылдау үшін Мемлекеттік қызмет істері агенттігіне жүгінеміз. Сонымен қатар, қалалық білім бөлімі басшысы да жауапкершілікке тартылады, –  деді министр.

Бұған дейін Семей тұрғыны мектеп мұғалімдері сабақ өткізудің орнына сенбілікте көше тазалап жатқан суреттер жариялаған болатын.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір