Қазақстан елшісі "Талибан" өкілімен кездесті

Кабулда Қазақстаннан Ауғанстанға қажетті гуманитарлық көмек мәселесі талқыланды. Бұл туралы сыртқы істер министрлігінің баспасөз қызметі хабарлады.

Қазақстанның Кабулдағы елшісі Әлімхан Есенгелдиев Ауғанстан уақытша үкіметіндегі сыртқы істер министрінің міндетін атқарушы Әмір Хан Муттакимен кездесді. Кездесу кезінде ауған халқына азық-түлік пен басқа да гуманитарлық көмек көрсету мәселелері талқыланған.

Ауғанстанның сыртқы саяси ведомствасының басшысы Қазақстан тарапына өтпелі қиын кезеңде ауған халқына елеулі қолдау көрсетуге әзірлік білдіргені үшін алғысын айтқан.

Оның сөзінше, Ауғанстанның жаңа билігі барлық елдермен, бірінші кезекте көршілермен және өңірдегі мемлекеттермен бейбіт қарым-қатынас орнатуға, сондай-ақ ел аумағынан олардың қауіпсіздігіне қандай да бір қатердің туындауына жол бермеуге дайын.

Әмір Хан Муттаки Ауғанстанның жаңа билігі Қазақстанның сыртқы саясатына, соның ішіндегі ауған бағытындағы ұстанымына құрметпен қарайтынын атап өтті.