• USD 424.85

  • EUR 504.21

  • RUB 5.84

  • CNY 65.86

08 Желтоқсан, 16:04:32
Алматы
+6°

Фото: Шымкент қаласы әкімінің баспасөз қызметі

Шымкент қаласына - Дүниежүзілік «Біріккен қалалар және жергілікті билік» ұйымына мүше болу ұсынылды. Аталған ұсыныс Түркия Республикасының Измир қаласында өткен гибридтік форматта мәдениет жөніндегі «Біріккен қалалар және жергілікті билік» дүниежүзілік ұйымының IV Саммитінде айтылды. Аталған саммитке Шымкент қаласының Туризм және сыртқы байланыстар басқармасы мен «Visit Shymkent» туристік ақпараттық орталығының қызметкерлері қатысқан болатын.

Шара нәтижесінде Измир мен Шымкент қалалары арасындағы достық қарым-қатынасты одан әрі жандандыру жөнінде келісімге келді. Еске сала кетсек, Измир мен Шымкент, 2004 жылдан бері бауырлас қала статусында. Одан өзге, 2022 жылы Қазан қаласында ЮНЕСКО-ның ұйымдастыруымен өтетін ауқымды шараға да Шымкент қаласының қатысуына ұсыныс түсті.

Аталған ұйым ғасырдан аса уақыт бұрын құрылған. Мүшеліктегі елдер ғаламдық ауқымды сауалдарды шешуде бас қосып, муниципалды және мәдени байланысты сақтап, тәжірибемен бөлісіп отарады. Жалпы саны 240 мың өңір мен мегаполис және БҰҰ құрамындағы 140-тан астам ел осы ұйымға мүше болып табылады. Ал, бүгінде еліміздің Нұр-Сұлтан және Түркістан қалалары ұйым құрамына еніп үлгерген.

"Қамшы" сілтейді
Ілмек сөздер: Шымкент

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір