"Найзағай, бұршақ, дауыл, ыстық". Алдағы демалыс күндері қандай ауа райы болатыны белгілі болды

Қазгидромет демалыс күндеріне арналған ауа райы болжамы жариялады.

Тамыз айының басында елдің батыс аймағының жартысына жылы және құрғақ ауа массалары келе бастайды. Олар жауын-шашынсыз ауа райын әкеледі, ауа температурасы 33-38 градусқа, кей жерлерде 43 градусқа дейін көтерілуі мүмкін.

Республиканың қалған аумағы атмосфералық фронталды бөліктердің әсерінде болып, жаңбыр жауады. 31 шілдеде оңтүстік-шығыста найзағай ойнап, бұршақ жаууы мүмкін. Елдің кей жерлерінде жел 15-20 м/с күшейеді, оңтүстік және оңтүстік-шығыста екпіні 25 м/с шаңды дауыл болуы мүмкін.

Солтүстікте, орталықта және шығыста ауа температурасы күндіз +27-36 градусты көрсетсе, оңтүстікте 35-40 градустық ыстық сақталады.