Қазақстандық спортшы АҚШ-тан алтынмен оралды

Қазақстандық Жанбота Алдабергенова фристайл-акробатикадан халықаралық турнир жеңімпазы атанды, деп хабарлады olympic.kz сайты.

Сайттың мәліметінше, бұл күндері АҚШ-тың Юта парк аймағында фристайл-акробатикадан North American Cup халықаралық додасы өтіп жатыр.

Отандасымыз 85.68 нәтижесімен топ жарды. АҚШ өкілі Тасиа Таннер 76.56 көрсеткішімен  күміске ие болса, канадалық Юстин Элли қола жүлдені иеленді.  Сондай-ақ жарыс қорытындысы бойынша, Қазақстан құрамасының спортшылары арасында Ақмарал Қалмұрзаева 6-орыннан көрінсе, Аяна Жолдас 7-орынға табан тіреді.