Назарбаев Әлімғазы Райымбековтің туыстарына көңіл айтты

Қауіпсіздік кеңесінің төрағасы Нұрсұлтан Назарбаев белгілі актер Әлімғазы Райымбековтің туыстарына көңіл айтты. Бұл туралы Елбасының баспасөз хатшысы Айдос Үкібай Twitter парақшасында жазды.

 «Елбасы белгілі актер Әлімғазы Райымбековтің өмірден өтуіне байланысты туыстарына көңіл айту жеделхатын жолдады. Ол ұлттық киномызда ұмытылмас бейнесі мен өзіндік ізін қалдырған талант иесі болатын. Елбасы оның жарқын бейнесі жұртшылық жадында әрдайым сақталады деп сенім білдірді», деп хабарлады Айдос Үкібай.