Елордада күзетшілер студентті аяусыз соққыға жыққан

Елордадағы бардың күзетшілеріне 19 жастағы жігітті ұрды деген айып тағылып жатыр.  Бұл туралы жәбірленушінің анасы әлеуметтік желіде, дәлірек айтқанда бас прокуратураның парақшасына жазған. Бұл туралы tengrinews.kz хабарлады.

Қазіргі уақытта ананың жазбасы бас прокуратураның парақшасынан өшірілген.

– Туған күнінде, 2020 жылы 25 қыркүйекте, жұма күні ұлым астанада болды. Ол өзінің туған күнін мейрамханада жақын достарымен атап өтті, сол жерде кейінірек осы мекеменің күзетшісі менің ұлымды аяусыз ұрып-соқты. Кейінірек сәл сауығып кетіп, өзі полиция отрядын шақырды, бұл кезде түнгі сағат екі шамасында еді. Содан кейін оны ұрып-соғып, мұрны сынған күйінде жалпы ауруханаға жеткізді, –  деді жәбірленушінің анасы.

Нұр-Сұлтан полициясы бұл жағдайға қатысты төмендегідей түсініктеме берді.

"Ағымдағы жылдың 26 ​​қыркүйегінде сағат 02.47-де полицияға Орталық күзетшілері Тұран даңғылы бойында екі келушіге дене жарақатын салғаны туралы хабарлама келіп түсті. Нәтижесінде 19 жастағы бала Нұр-Сұлтан қаласының 2-ші қалалық ауруханасына жеткізілді. Күдікті  ұсталды. Аталған факті бойынша қылмыстық кодексінің 293-бабы "Бұзақылық" бойынша қылмыстық іс қозғалып, сот-медициналық сараптама тағайындалды" делінген полиция хабарламасында.

Сонымен қатар, әкімшілік кодекстің 425-бабы бойынша карантиндік режимді бұзғаны үшін мекеме әкімшілігіне қатысты әкімшілік іс қозғалғандығы белгілі болды.