Алматылық "таксист" қазылар алқасын тағы да таңғалдырды (видео)

"Украина дауысы" байқауының қатысушысы, алматылық Ерлан Байбазаров қазылар алқасын таңғалдырды.  10-шы маусымның жаңа шығарылымында Потап пен Настя Каменскийдің командасы нокаутқа таласты.

Ерлан Байбазаров «Shape of you»  әнін орындады. Қазылар алқасы алматылықпен бірге ән айтты. Соңында қазылар алқасы Ерлан Байбазаровты мақтап, таңғалдырғанын айтты. 

"Ғажап! Бізді таңғалдыру қолыңыздан келді. Бірақ мен қайырмасын айта бастағаныңызда қайран қалдым. Мен "Қалай сонда? Бұл мүмкін бе?" дедім іштей", - деді Тина Кароль.