Бір данасы 50 мың теңге тұратын қазақтың тиыны жарық көрді (видео)

ҚР Ұлттық банкі Еуразиялық Экономикалық Одақтың бес жылдық мерейтойының құрметіне арнайы жасалған монеталардың бейнежазбасын жариялады деп хабарлайды Qamshy.kz ақпарат агенттігі bnews.kz сайтының ақпаратын негізге ала отырып.

Бұл монеталар 21-мамыр күні шығарылған. Алтыннан жасалған 50 мың теңгелік монетаның салмағы 1 келі, диаметрі 100 мм құрайды. Таралымы – 20 дана.

Монетаның алдыңғы жағында Қазақстан Республикасының Елтаңбасы орналасқан. Елтаңбанын жан-жағын қоршай теңгеге сай номиналдар мен "QAZAQSTAN RESPÝBLIKASY", "REPUBLIC OF KAZAKHSTAN" деген жазбалар орналасқан. Монетаның жиегі қазақ халқының ұлттық ою-өрнектерімен көмкерілген.

Ал құнды валютаның артқы бетінде одаққа мүше мемлекеттердің мемлекеттік тулары бейнелеген.

Дайындаған: Дәурен Сыбанбай