Ақын Несіпбек Айтұлы өмірден озды

Ақын, Қазақстанның еңбек сіңірген қайраткері, «Парасат» орденінің иегері Несіпбек Айтұлы ұзаққа созылған науқастан 73 жасында қайтыс болды.

Несіпбек Айтұлы 1950 жылы Шығыс Түркістанның Тарбағатай аймағында туған.

Ақын еңбек жолын Шұбартау аудандық "Жаңа өмір" газетінде бастады.

1974 жылы Қазақ Мемлекеттік университетінің журналистика факультетін бітірді.

2001 жылдан бастап Астана қаласына қоныс аударып, Л.Н.Гумилев атындағы Еуразия ұлттық университетінде, Президент жанындағы Мәдениет орталығында қызмет істеген.

Соңғы қызметі – Астана қаласындағы С.Сейфуллин атындағы музей директоры.

Qamshy.kz ұжымы марқұмның отбасы мен туған-туыстарына қайғыра көңіл айтады.