Ресейдегі мобилизация басталғалы 200 мың шетелдік ЖСН алған

Ресейде ішінара мобилизация басталған 21 қыркүйектен бері 200 мың шетел азаматы Қазақстанда ЖСН алуға өтініш берген. Бұл туралы цифрлық даму, аэроғарыш өнеркәсібі вице-министрі Әсет Тұрысов мәлім етті.

"26 қазандағы жағдай бойынша ЖСН алуға 200 мың өтініш түскен. Оның ішінде шетелдіктердің барлығы бар. Олардың қаншасына ЖСн берілгенін анық айта алмаймын" деді Әсет Тұрысов мәжіліс кулуарында.

Көші-қон қызметі комитетінің дерегінше, 1-30 қыркүйек аралығында органдарға Ресейдің 1161 азаматы Қазақстанда тұрақты тұруға рұхсат сұрап жүгінген, 177 азамат ҚР азаматтығын алуға өтініш жазған.

Дереккөз: informburo.kz