• USD 468.56

  • EUR 497.56

  • RUB 7.3

  • CNY 67.18

29 Наурыз, 01:30:35
Алматы
+35°

Алматы полиция департаментінің бастығы Қанат Таймерденов қаладағы тәртіпсіздіктерден қанша адам қайтыс болғанын айтты. Бұл туралы ол орталық коммуникациялар алаңында өткен брифингте мәлімдеді.

– Құқық қорғау органдарынан 11 қызметкер, бейбіт тұрғындар ішінде 149 адам қаза тапты, – деді Таймерденов.

Сонымен қатар брифингте Қанат Таймерденов қаладағы мәйітханалардан 41 мәйіт ұрлалғанын мәлім етті.

– Шабуылдарды кәсіби дайындықтан өткен, қару-жарақ пен ұрыс әдістерін жетік меңгерген адамдар жасаған. Олар қаза болғандар мен жараланғандарды қалдырмай, өздерімен бірге алып кетті. Сол күндері мәйітханаға 7 шабуыл жасалып, соның барысында белгісіз біреулер қаза болған 41 адамның денесін ұрлап кеткен, – деді Алматы қаласы полиция департаментінің бастығы.

Кеше Қазақстанның Бас прокуратурасы қылмыстық қудалау қызметінің бастығы Серік Шалабаев елде тәртіпсіздіктер кезінде жалпы 4578 адам зардап шеккенін мәлімдеген. Оның ішінде 4353-і жараланған, 3393-і құқық қорғау органдарының қызметкерлері екені анықталған. 225 адам қайтыс болған.

Еске сала кетейік, 2 қаңтарда Маңғыстау облысының тұрғындары сұйытылған газдың қымбаттауына байланысты митингке шығып, ұзамай елдің өзге өңірлерінде де халық наразылығы өткен. Бейбіт митинг түрінде басталған наразылық шараларының соңы жаппай тәртіпсіздікке ұласқан. Соның салдарынан Алматы, Талдықорған қалалары қатты зардап шекті. Тәртіпсіздіктер кезінде әкімдік ғимараты өртенді, президент резиденциясы басып алынды. Дүкендер, сауда орталықтары, банк кеңселері мен банкоматтар тоналды.

"Қамшы" сілтейді
Ілмек сөздер: Алматы митинг

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір