• USD 468.56

  • EUR 497.56

  • RUB 7.3

  • CNY 67.18

09 Ақпан, 10:10:53
Алматы
Ел Тәуелсіздігінің 30 жылдығы мен Тұңғыш Президент күні қарсаңында Алматы облысы Еңбекшіқазақ ауданы Төле би ауылында су жаңа әлеуметтік ғимарат қолданысқа берілді. Соның нәтижесінде 50 адам қабылдауға арналған ауылдық амбулатория, пошта мен учаскелік полиция пункті екі қабатты ғимаратқа орналасты, деп хабарлайды Алматы облысы әкімінің баспасөз қызметі.

Еңбекшіқазақ аудандық әкімдігінің мәліметіне сүйенсек, ғимараттың жалпы алаңы 325 шаршы метр. Жергілікті тұрғын, жомарт жүрек кәсіпкер Чикаев Тавабир поштаның ескі ғимаратының орнына ауылдастарының игілігіне беру үшін жеке қаражатына жаңа нысан тұрғызды. Сонымен бірге ол ғимарат ішінде қажетті жиһаз бен интерьерлер сатып әперді. Ал амбулаторияны медициналық құрал-жабдықтармен аудандық көп салалы аурухана қамтамасыз етпек.  

Внутреннее обустройство

Нысанның ашылу салтанатына қатысқан Еңбекшіқазақ ауданының әкімі Әлібек Жақанбаев бизнестің әлеуметтік жауапкершілігі мен өңір дамуындағы меценаттар қолдауының маңызы туралы атап өтті.

- «Рухани жаңғыру» бағдарламасында Елбасы «Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады» деген болатын. Бүгінгі шара осындай елжандылықтың, туған жерге деген жанашырлықтың көпке үлгі болған дәстүрлі жалғасы деп білеміз. Бәріңізді келе жатқан мерекелеріңізбен және жаңа нысанның ашылуымен құттықтаймын, - деген Ә.Жақанбаев меценатқа ризашылығын білдірді.  

Салтанатты шарада ғимараттың лентасы қиылып, нысан Көктөбе ауылдық округі тұрғындарының игілігіне берілді.

Жалпы Алматы облысында Тұңғыш Президент күніне орай өңірдің әр түкпірінде көптеген әлеуметтік маңызды нысандар ашу белгіленген. Солардың қатарында сервистік әкімдік, ауылдық мәдениет үйі, өнер мектебі, жекеменшік балабақша, жаңа сквер және басқалары бар.

"Қамшы" сілтейді
Ілмек сөздер: Алматы облысы

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір