700 азамат әскери оқу-жаттығу жиынына шақырылды

Қазақстандағы "Оңтүстік", "Шығыс", "Астана" өңірлік қолбасшылықтарының әскери бөлімдеріне 700-ден астам әскери міндетті шақырылды. Бұл туралы қорғаныс министрлігі хабарлады. 

Әскери жиынға шақырылған барлық әскери міндеттілер бөлімдердің полигондарындағы шатырлы қалашықтарға орналасады. 

– Менің мерзімді қызметімді өткергеніме 15 жылдан астам уақыт өтті. Осы уақыт ішінде әскери техника өзгеріп, жаңартылды, жағдай айтарлықтай жақсарды. Мен тағы да әскери ортаға келгеніме қуаныштымын. Бұл қалыптасқан дағдыларды нықтап, жаңа әдістерді үйренуге жақсы мүмкіндік, – деді запастағы аға сержант Талғат Мұсалиманов.