20 Маусым, 2021 NEWS
Фото: taldykorganec.insta
Алматы облысының Құлжа тас жолында жеті адам жол апатынан көз жұмды. Бұл туралы облыстық полиция департаменті хабарлады.
Жол апатының суреттері taldykorganec.insta парақшасында жарияланды.
Қайғылы оқиға 19 маусым күні сағат 18:50 шамасында болған. Байсейіт кентінің маңында Toyota Rav4 жүргізушісі рөлге ие бола алмай қарсы бетке шығып кетіп, Audi автокөлігімен соқтығысқан.
Салдарынан 2 жүргізуші мен 3 жолаушы оқиға орнында, тағы 2 адам Шелек ауылының ауруханасында қайтыс болды.
Оның ішінде 16, 13, 8 жастағы балалар және 4 айлық сәби бар. Тағы үш жолаушы түрлі жарақаттармен ауруханаға жеткізілді.
Қазір аталған іс бойынша қылмыстық кодекстің 345-бабы, 4-тармағы бойынша (Абайсызда екi немесе одан да көп адамның өлiмiне әкеп соққан, жол қозғалысы ережелерін бұзу) сотқа дейінгі тергеу басталды. Оқиғаның мән-жайы мен себептері анықталып жатыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір