Маңғыстауда соңғы қоңыраудың соңы төбелеске ұласты (видео)

Әлеуметтік желіде мектеп оқушылары төбелесіп жатқан видео тарады. Видео Маңғыстау облысырда түсірілгені, екі мектеп оқушылары төбелесіп қалғаны белгілі болды.

Облыстық полиция департаментінің хабарлауынша, төбелес бүгін сағат шамамен 11:00-де Бейнеу ауылында болған. Ж.Қалдығараев атындағы және Ы.Алтынсарин атындағы мектеп оқушылары төбелесіп, оқиға орнында 7 адам ұсталған. Қазір олар полиция бөлімшесіне жеткізілді, жәбірленушілер жоқ.

Аталған іс қылмыстық кодекстің 293-бабы "Бұзақылық" бойынша тіркеліп, тергеу жұмыстары жүргізілуде.