• USD 424.85

  • EUR 504.21

  • RUB 5.84

  • CNY 65.86

25 Қазан, 16:20:32
Алматы
+14°

Білім және ғылым министрі Асхат Аймағамбетов жоғары оқу орындарының ректорларымен кеңес өткізді. Кездесу барысында бірі студенттер мен оқытушылардың қауіпсіздік мәселелері қаралды, деп хабарлады министрліктің баспасөз қызметі.

Министр білім ордаларындағы құрал-жабдықтарға түгендеу жүргізу, бейнекамералардың жедел басқару орталықтарына қосылуын қамтамасыз ету, жоғары оқу орындарына кіргізу режимін күшейтуді және студенттер арасында оқу-жаттығу сабақтарын өткізуді тапсырды. Сондай-ақ жатақханаларда пысықталуы тиіс қауіпсіздікті күшейту шаралары да айтылды.

– Қазандағы қайғылы жағдай мектептер мен колледждердегі қауіпсіздікті күшейту қажеттігін көрсетті. Осындай қорқынышты жағдайлардың қайталануына жол бермеу үшін мектептермен қоса, университеттерде де қауіпсіздік шараларын күшейтуіміз керек. Студенттер мен оқытушылар төтенше жағдайларда өзін қалай ұстау керектігін білуі тиіс. Біз қолда бар жабдықтарды тексеріп, қажет болған жағдайда қосымша жабдық орнатуымыз керек. Қауіпсіздік шаралары қолданылып, оқу жаттығулары неғұрлым жиі өткізілетін болса, біздің балаларымыздың да қауіпсіздігі соғұрлым арта түседі, – деп атап өтті министр Асхат Аймағамбетов

Жуырда Татарстан астанасы Қазан қаласындағы мектепке 19 жастағы жасөспірім қарумен шабуыл жасап, соның салдарынан екі мұғалім, жеті оқушы қаза тауып, 21 адам жарақат алған. Осы оқиғадан кейін білім ордаларындағы қауіпсіздік мәселесіне баса мән беріле бастады.

"Қамшы" сілтейді
Ілмек сөздер: Аймағамбетов

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір