Бір ай бұрын жоғалған экс-депутаттың мәйіті табылды

Бір ай бұрын жоғалған бұрынғы сенат депутаты Нұрлан Сүлейменовтің мәйіті табылды. Бұл туралы 31 арна хабарлады.

Құтқарушылар Н. Сүлейменовтің денесін Қарағанды облысы Нұра ауданындағы өзеннен алып шыққан. Полиция мәйітті сараптамаға тапсырған.

8 сәуірде Мыңбай ауылынан Тассуатқа жолға шыққан экс-депутат сол күйі хабарсыз кеткен. Арада екі күн өткен соң марқұмның "Митсубиси Паджеро" көлігі Нұра өзенінен табылды. Іздестіру жұмыстары бір айға жалғасқан болатын.

Нұрлан Сүлейменов сенаттың 4-5 сайланымының депутаты болған.