Тоқаев twitter-де жазба жариялады

Президент Қасым-Жомарт Тоқаев twitter парақшасында ғылым саласының қызметкерлерін кәсіби мерекесімен құттықтады.

– Ғылым саласының қызметкерлерін бүгінгі кәсіби мерекесімен құттықтаймын! Осы айтулы датаның аса көрнекті ғалым Қаныш Сәтбаевтың туған күнімен тұспа-тұс келуінің мәні зор.

Перспективасы бар ғылыми зерттеулерді қолдау, ұлтымыздың зияткерлік әлеуетін арттыру – сөзсіз шешімін табуға тиісті стратегиялық міндет, – деді ол.

Сонымен қатар президент Қазақстан ғарыш технологиясын игеруге белсенді атсалыса беретінін жазды.

– Осыдан 60 жыл бұрын адамның ғарышты игеру дәуірі басталды. Юрий Гагариннің Байқоңыр ғарыш айлағынан ұшуы – әлемдік ғылым дамуының жарқын көрінісі. Қазақстан халықаралық бағдарламаларға, ғарыш технологиясын игеруге белсенді атсалыса береді, – деп жазды президент Тоқаев.