"Алсайшы ананы!". Сапарбаев құлаған Елтаңба үшін қол астындағыларға жекіді

Жамбыл облысының әкімі Бердібек Сапарбаев онлайн форматта халыққа есеп беріп тұрған кезде ыңғайсыз жағдайға тап болды.

Әкім тұрғындар тарапынан келіп түскен сұрақтарға жауап беріп жатқанда мінберге желімделген Елтаңба кенет өзінен-өзі жерге құлап түсті. Сөйтіп еді Сапарбаев қол астындағы қызметкерлеріне "Алсайшы ананы" деп бұйыра сөйледі де, сұрақтарға жауап беруін жалғастырды.

Бұған желі қолданушыларының реакциясы әртүрлі болып жатыр. Бірі "Өзі неге алмайды екен?!" десе, енді бірі "Байқамай қалған сияқты ғой" деп жазған.