"Бұл – мерейлі той". Тоқаев желіде жазба жариялады

Мұқағали Мақатаевтың туғанына 90 жыл толды. Бұл туралы президент Қасым-Жомарт Тоқаев Twitter-дегі парақшасында жазды.

– Бүгін – ақиық ақын Мұқағали Мақатаевтың туғанына 90 жыл. Мұқағали поэзиясы – күллі қазақтың болмыс-бітімі. Оның сырлы сезімге толы жырлары қалың оқырманның жүрегінен орын алды.

Ақын мерейтойы Тәуелсіздігіміздің 30 жылдығымен тұспа-тұс келіп отыр. Бұл – әр қазақтың шаңырағындағы мерейлі той, – деді Тоқаев.

Қазақтың ақиық ақыны Мұқағали (Мұхамедқали) Сүлейменұлы Мақатаевтың туғанына тура 90 жыл толды.