Джо Байден Мьянмаға санкция салатынын ескертті

Мьянмада әскерилер билікті басып алғаннан кейін АҚШ президенті Джо Байден елге "санкцияларды қалпына келтіреміз" деп ескертті.

Мьянма ұзақ жылдар бойы созылған әскери диктатурадан шыға бастағаннан кейін, санкциялар жақында ғана жеңілдетілген болатын.

Дүйсенбіде елдің де-факто көшбасшысы Аун Сан Су Чжи және басқа сайланған лауазымды тұлғалар ұсталған. Су Чжидың партиясына "жеңіске жету үшін алаяқтық жасады" деген айып тағылды.

БҰҰ, Ұлыбритания және ЕО ықтимал наразылықтар мен толқуларға алаңдаушылық білдіріп, әскери басып алуды айыптады.