• USD 424.85

  • EUR 504.21

  • RUB 5.84

  • CNY 65.86

08 Желтоқсан, 15:30:55
Алматы
+6°

Біріккен Араб Әмірліктері сенбі күні коронавирус пандемиясы жағдайында экономиканы ынталандыру мақсатында кейбір шетелдіктерге азаматтық беру туралы жоспарларын жариялады.

БАӘ бұрын палестиналықтарға және 1971 жылы елді құруға көмектескен шетелдік адамдарға және олардың отбасыларына азаматтық берген.

Сенбіде Дубай билеушісі, сонымен қатар автократиялық елдің премьер-министрі және вице-президенті қызметін атқаратын шейх Мұхаммед бен Рашид әл-Мактум жоспарларын жариялады. Бұл бастама суретшілерге, авторларға, дәрігерлерге, инженерлер мен ғалымдарға, сондай-ақ олардың отбасыларына қатысты болуы мүмкін екенін мәлімдеді.

Шейх Мұхаммед Твиттерде мұрагерлік басқарушылар елдің жеті эмиратындағы және федералды деңгейдегі азаматтықты тағайындайтынын жазды. Азаматтық алғандар алғашқы азаматтығын сақтай алады.

БАӘ-де 9 миллионнан астам адам тұрады, жергілікті халық олардың оннан бір бөлігін ғана құрайды. Қараша айында БАӘ елдегі исламдық жеке заңдарды қайта құру жоспарын жариялады. Жаңа заң үйленбеген жұптарға бірге тұруға мүмкіндік береді, алкогольдік шектеулерді босатады және әйелдер мен қыздарды өлтіретін "ар-намыспен өлтіру" деп аталатын әрекеттер қылмыстық жауапкершілікке тартылады.

"Қамшы" сілтейді
Ілмек сөздер: БӘА азаматтық

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір