• USD 424.85

  • EUR 504.21

  • RUB 5.84

  • CNY 65.86

28 Қазан, 13:48:54
Алматы
+11°

Шымкенттегі № 2 мүгедектерге арналған интернат директорының орынбасары Бекболат Салтаев қ"ызын жеті жыл бойы интернатта зорлап келгенін" айтқан әйелдің видеосына қатысты түсініктеме берді, деп хабарлады Tengrinews.kz.

Салтаевтың айтуынша, бүгінгі таңда интернатта 240 адам қамқорлыққа алынған. Оның ішінде 120 ер адам және 120 әйел. Аталған мекемеге Шымкент қаласынан бөлек Түркістан облысынан да адамдар келеді. Интернат тұрғындары серуендеуге, түскі асқа, кешкі асқа бірге барады, бірақ оларды әрқашан медбикелер, күтушілер және әлеуметтік қызметкерлер ертіп жүреді.

– Денсаулық сақтау министрлігінің №626 бұйрығы негізінде бала туу жасындағы, яғни 18 жастан 49 жасқа дейінгі әйелдерге бала тууды бақылау спиралі қойылады. "Қыздарға" спираль салынбайды. Медициналық тексеру жүргізіледі, егер "қыз еместігі"  анықталса, онда спираль салынады.

Анасы мәлімдеме жасаған қызға шын мәнінде басқа 32 адамға салғандай спираль салынды, өйткені ол "қыз емес" еді. Бұл қажетсіз жүктіліктің алдын алу үшін жасалады. Бұл ондай жағдай интернатта болуы мүмкін дегенді білдірмейді. Олар көбінесе демалысқа үйге барады. Біз интернаттан тыс не болып жатқанын білмейміз, – деді Салтаев.

Директордың орынбасары қыздың 2010 жылы 18 жасқа толғаннан кейін интернатқа түскенін атап өтті. Спираль оған 2013 жылы салынған.

– Сот шешімі бойынша интернат оның қамқоршысы болып табылады. Дәрігерлер интернат басшылығымен келіседі. Ережеде спираль салу кезінде ата-аналарды хабардар ету керек екені көрсетілмеген. ВТЭК шешімі бойынша адам мамандандырылған мекемеге тағайындалады, соған сәйкес сот оларға қамқорға алынушының іс жүзінде қабілетсіз екенін растайтын, яғни оның әрекеттері үшін жауап бермейтінін дәлелдейтін еңбекке жарамсыздық парақтарын береді. Осыдан кейін олар интернатқа ауыстырылады және біз автоматты түрде олардың қамқоршысы боламыз. Ата-аналар өз келісімін береді, ешкімді интернатқа мәжбүрлеп орналастырмайды. Ата-аналар туыстарына бара алады, олардың өтініші бойынша оларды демалысқа алып кете алады, – деп түсіндірді Салтаев.

Қазір сотқа дейінгі тергеу жүргізілуде, сот-медициналық сараптама және сот-психиатриялық сараптама жасалынды.

– Тәуелсіз сарапшылардың пікірінше, қызда жыныстық қатынас болған жоқ. Психиатриялық сараптама нәтижелері бойынша ол жыныстық қатынастың не екенін де түсінбейді. Ол мүлдем қабілетсіз. Сотқа дейінгі тергеу әлі аяқталған жоқ. Интернат қызметкерлері де сұралып жатыр, – деп толықтырды директор орынбасары.

Бұған дейін мүгедектігі бар қыздардың бірінің анасы Әлия Мамутова қызын жеті жыл бойы интернатта зорлап келгенін және қызына рұхсатсыз контрацепцияға қарсы спираль қойылғанын, жасөспірім интернатқа түскен сәтте "қыз" болғанын айтты. Шағымданушы тергеу тым созылып кеткен соң видеоүндеу түсіруге мәжбүр болғанын айтқан болатын.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір