Мадридте жойқын жарылыс болды (видео)

Испания астанасы Мадридте жойқын жарылыс болды. Бұл туралы tass.ru сайты хабарлады. 

Жергілікті ақпарат құралдарының жазуынша, Толедо көшесіндегі жарылыстан ғимараттың жоғарғы үш қабаты опырылып құлаған. Полиция оқыс оқиға болған ауданды қоршауға алды. Алғашқы келіп түскен мәліметтерге қарағанда, тұрмыстық газ жарылған. Қанша адамға зақым келгені туралы нақты ақпарат жоқ. Кей мәліметтерге қарағанда, жарылыстан 2 адам қаза тауып, 6 адам жарақат алған. Олардың біреуі ауыр хәлде.