Алиев қазақстандық компанияларды Қарабаққа шақырды

Қасым-Жомарт Тоқаев Әзербайжан президенті Ильхам Алиевпен телефон арқылы сөйлесіп, оны туған күнімен құттықтады. Бұл туралы akorda.kz сайты хабарлады. 

Қасым-Жомарт Тоқаев Ильхам Әлиевтің достас Әзербайжанның әлеуметтік-экономикалық дамуына, БҰҰ жарғысы мен БҰҰ қауіпсіздік кеңесінің шешіміне сәйкес мемлекеттің территориялық тұтастығын қорғауға қосқан елеулі үлесін атап өтті.

Мемлекет басшылары екіжақты ынтымақтастықты одан әрі дамытуға қатысты бірлескен міндеттер, сондай-ақ, халықаралық аренадағы ықпалдастық жайын талқылады.

Ильхам Aлиев қазақстандық компанияларды Таулы Қарабақты қайта қалпына келтіру жұмыстарына атсалысуға шақырды.