Бүгін бұрынғы ауыл шаруашылығы вице-министрі Руслан Азимов 69 жасында өмірден өтті. Бұл туралы ұлттық киноны қолдау мемлекеттік орталығының instagram парақшасында хабарланды.

Руслан Жұмабайұлы белгілі тілші әрі жазушы Жамбыл Азимовтың отбасында дүниеге келген. Ол Алматы ауыл шаруашылығы институтының түлегі, Вильямс атындағы Мәскеу Ғылыми-зерттеу институтының аспиранты, ғылым кандидаты.

"Р.Азимов Республикадағы алғашқы «Агро» мемлекеттік-кооперативтік бірлестігін құрды, өзі құрған Халықаралық қазақстандық агроөнеркәсіптік биржаның президенті болды, ҚР Мемлекеттік сатып алу агенттігін және «Азық-түлік келісім шарт корпорациясы» ҰК» АҚ басқарды. Бейіндік министрлікте жұмыс істеп, Қазақстан Республикасы Ауыл шаруашылығы министрінің міндетін атқарушы лауазымына дейін көтерілді.

"Марқұмның бауыры Сергей Жұмабайұлы Азимовқа және барлық туған-туыстарына ұлттық киноны қолдау мемлекеттік орталығы ұжымының атынан қайғырып, көңіл айтамыз. Қазаның арты қайырлы болғай!" делінген хабарламада.

1997 жылдың соңында Руслан Әзімов ауыл шаруашылығы бірінші вице-министрі болып тағайындалған. Уақытында ауыл шаруашылығы министрінің міндетін атқарушы лауазымына дейін көтерілген.

 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір