Түркия мемлекеттік департаменттің жоғары лауазымды өкілі президент Режеп Тайып Ердоған Түркияға елге келген АҚШ-тың мемлекеттік хатшысы Майк Помпеомен кездесуге уақыт таппағанын мәлімдеді. 

– Мемлекеттік хатшы да, Сыртқы істер министрі (Мевлют) Чавушоглу, соның ішінде түрік шенеуніктері де, менің ойымша, президент Ердоған да кездесудің болғанын қалайды. Кездесу болмай қалды. Себебі президенттің жұмыс кестесінде өзгерістер болып, АҚШ мемлекет хатшысының сапары кезіне жоспарлаған кездесуге уақыт таба алмадық, – деді дипломат Ыстамбұлдағы брифингте.

Түркиядағы мемлекеттік департаменттің өкілі Вашингтон мен Анкара арасында келіспеушіліктер бар екенін мойындады.

Помпео Ыстамбұлға келді, онда ол Константинопольдің Патриархы Бартоломеймен кездеседі. Ал Түркияның астанасы Анкараға сапары оның кестесінде жоспарланбаған, – деп толықтырды ол.

Бұған дейін Түркияның АҚШ-пен қарым-қатынасындағы салқындық Ресейдің С-400 әуе шабуылына қарсы қорғаныс жүйелерін Анкараға жеткізу жұмыстары басталғаннан кейін пайда болды. Вашингтон Түркияның Ресеймен жасасқан мәміледен бас тартуды және оның орнына америкалық Патриот жүйелерін сатып алуды талап еткен. Және артынша F-35 истребителдерін Түркияға сатуды кейінге қалдыратынын немесе сатпайтынын айтып қорқытты. Сонымен қатар "CAATSA ("Американың қарсыластарына санкциялар арқылы қарсы тұру туралы" туралы заңға) сәйкес санкциялар саламыз" деген. Соған қарамастан, Анкара ымыраға келуден бас тартты және Ресейден қосымша С-400 партиясын сатып алу туралы келіссөздерді жалғастырды.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір