Қазақстанда ең көп пара беретін қай өңір?

Қазақстанның қай өңірлерінде жиі пара берілетіні белгілі болды. Қазақстанда сыбайлас жемқорлыққа байланысты құқық бұзушылықтар саны бір жыл ішінде 11 пайызға өскен, деп хабарлады Finprom.kz.

Сарапшылардың есептеуінше, 2020 жылдың қаңтар-тамыз айларында елде мемлекеттік қызмет пен мемлекеттік басқару мүдделеріне қарсы 1,6 мың сыбайлас жемқорлық және басқа да қылмыстық құқық бұзушылық тіркелген. Бұл бір жыл бұрынғыға қарағанда 12,6 пайызға аз.

Олардың үштен екісі парақорлық. Жыл басынан бері елде парақорлықтың 993 жағдайы анықталған, бұл 2019 жылдың сәйкес кезеңімен салыстырғанда 11,4 пайызға көп. Оның ішінде 555 жағдай пара алуға, 404 жағдай пара беруге, 34 жағдай делдалдық ретінде тіркелген.

Өңірлер бойынша Батыс Қазақстан облысы парақорлық бойынша антилдерге айналды: 97 жағдай, бір жылда бірден екі есеге өскен. Екінші және үшінші орындарды Алматы (87 жағдай, + 47,5 пайыз) және Шығыс Қазақстан (76 жағдай,  - 3,8 пайыз) облыстары алады.