Билеп жүрген өскемендік "прокурордың" видеосы тексеріліп жатыр

Kozachkov offside Telegram арнасында өскемендік прокурордың билеп жүрген видеосы  жарияланды.

Видеода би алаңында билеп жүрген адамдар көрсетілген. Жазба авторының айтуынша, олардың арасында Өскемен қаласының прокуроры да бар. Ол камераға әуелі өзін, содан соң жанындағы қызды түсірген.

"Өскемендік прокурорлар, жарайсыңдар! Жақсы жұмыс істейді, жақсы демалады! Бірақ бір сұрақ бар: видео карантин уақытында түсірілген емес пе?" делінген жазбада.

Шығыс Қазақстан облысы прокуратурасының баспасөз қызметі бұл видеоға қатысты фактілер тексеріліп жатқанын хабарлады.