Эколог, ғалым Мұсағали Дуамбеков қайтыс болды

Бүгін, 28 шілдеде қазақстандық ғалым, эколог Мұсағали Дуамбеков қайтыс болды. Бұл туралы экс-депутат Айгүл Соловьева әлеуметтік желіде хабарлады.

– Бүгін таңғы сағат 08:00-де менің досым, белсенді қоғам қайраткері және нағыз азамат, аяулы әке Мұсағали Дуамбеков қайтыс болды! Иманды болсын!, –деп жазды ол Facebook парақшасына.

Мұсағали Дуамбеков 1961 жылы 5 мамырда Жамбыл облысында дүниеге келген. Қазақ политехника институтының Қаратау филиалын, қазіргі Мәскеу мемлекеттік құрылыс университетінің аспирантурасын бітірген.

Ол – техника ғылымының докторы, профессор, 100-ден астам ғылыми жарияланымның және өнертабыстың авторы. 

2012 жылдан бастап "Халықтық жемқорлыққа қарсы комитет" қоғамдық қорының президенті болған.