24 Шілде, 2020 NEWS

"Әкім бара жатыр". Сәтбаев қаласында не болып жатыр?

Видеодан скриншот

"5 жасар қыздың ұрланғанына байланысты халық көтеріліп жатыр" делінген Сәтбаев қаласында жағдай тұрақтанды. Оқиға орнына Қарағанды облысының әкімі Жеңіс Қасымбек бара жатыр. Бұл туралы облыс әкімдігінің баспасөз қызметі хабарлады.

Әкімдік таратқан хабарламаға қарағанда 23 шілде  күні сағат 21.00-де Сәтбаев қаласының полициясына Жезқазған қаласының тұрғыны хабарласып, өзінің 5 жасар қызының жоғалғаны туралы хабарлаған. Артынша полиция мен еріктілер іздестіріп, бала көп қабатты үйден табылған. Қыз бала ауруханаға жеткізілген, күдікті ұсталған. 

Алайда ұсталған азаматтың үйінің жанында күдіктіні қолына беруді талап еткен бір топ адам жиналған. Әкімдік осыған байланысты құқық қорғау органдарының қызметкерлері  жұмылдырылғанын хабарлады. 

Әкімдік мәліметінше, қазіргі уақытта қаладағы жағдай тұрақтанған, адамдар оқиға орнынан тараған. 

 

Ілмек сөздер: Сәтбаев

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір