23 Шілде, 2020 Барлық аймақтар

ДДСҰ коронавирусқа қарсы жаппай вакцинациялау мерзімін атады

Көрнекі сурет

Дүниежүзілік денсаулық сақтау ұйымының (ДДСҰ) атқарушы директоры Майк Райан коронавирусқа қарсы жаппай вакцинация жасау уақытын айтты, деп хабарлады Reuters. 

Оның айтуынша, зерттеушілер коронавирусқа қарсы вакциналарды әзірлеуде айтарлықтай табысқа қол жеткізді. Оларды жаппай қолдануды 2021 жылдың басына дейін күтудің қажеті жоқ. 

– Біз айтарлықтай табысқа қол жеткіздік. Бірнеше вакцина қазіргі уақытта үшінші фаза сынағынан өтіп жатыр, – деді Райан. 

Райанның пікірінше, ДДСҰ әлеуетті вакциналарға қол жеткізуді және өндірістік қуаттылықты кеңейту үшін жұмыс істейді. 

– Бұл коронавирусқа қарсы вакцина байларға да, кедейлерге де арналмаған, олар бәріне арналған, – деді ол. 

Бұған дейін АҚШ үкіметі Pfizer Inc пен неміс BioNTech биотехнологиялық компаниясына егер COVID-19 вакцинасының қауіпсіз және тиімді екендігі анықталған болса, 100 миллион доза үшін 1,95 миллиард доллар төлеуге дайын екенін мәлімдеген болатын. 

21 шілдеде ҚР Денсаулық сақтау министрі Алексей Цой брифингте Қазақстан клиникалық зерттеулердің нәтижесінен кейін коронавирусқа қарсы вакциналарды сатып алу туралы шешім қабылдайтынын айтты. 

– Қазіргі уақытта біз әртүрлі елдердің вакциналарын зерттеп жатырмыз. Жеткізу мерзімі вакцинаның клиникалық сынақтардың барлық кезеңдерінен өтіп, жалпы халық үшін қолдануға рұқсат етілгендігі туралы ресми растау болған кезде байланысты болады, – деді Денсаулық сақтау министрлігінің басшысы. 

Сондай-ақ Цой Қазақстанның Ресеймен вакциналарды жеткізу туралы алдын-ала келісімдері бар екенін айтты. 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір