18 Шілде, 2020 NEWS

Атырауда маусымнан бері пневмониядан 122 адам қайтыс болған

Көрнекі сурет

Атырау облыстық денсаулық сақтау басқармасының басшысы Нұрлыбек Қабдықапаров облыста маусым айынан бері пневмониядан 122 адам қайтыс болғанын хабарлады.

– Бүгінге дейін Атырау облысында пневмонияға шалдыққан 5809 адам тіркелді, 122 адам осы дерттен қайтыс болды. Өткен жылы осы кезеңде пневмониядан 56 адам көз жұмған еді, – деді онлайн-брифингте Нұрлыбек Қабдықапаров.

Оның айтуынша, өңірде коронавирус инфекциясынан 13 адам бақилық болған. Бұған қоса, тағы осындай 30 жағдайды арнайы комиссия қарап жатыр.

Сондай-ақ 243 медицина қызметкері қауіпті індетті жұқтырған.

Дереккөз: ҚазАқпарат



Ілмек сөздер: пневмония атырау

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір