Алматыда парктер мен скверлер демалыста ашық болады

Алматыда демалыс күндері қандай нысандар ашық болатыны белгілі болды, деп хабарлайды қала әкімдігінің баспасөз қызметі.

– Өткен аптада бізде парктер, скверлер жабық болатын. Осы аптада парк, сквер, Медеу, Шымбұлақ, Арбаттағы Панфилов көшесіндегі жаяу жүргін алаңдар ашық болады. Адамдар таза ауада серуендегені дұрыс, – деді онлайн брифинг барысында Алматы әкімінің орынбасары Сапарбек Тұяқбаев.