• USD 468.56

  • EUR 497.56

  • RUB 7.3

  • CNY 67.18

29 Наурыз, 13:47:48
Алматы
+35°

Британиялық саясаткер АҚШ пен Қытай неге Үшінші дүниежүзілік соғыс бастау қаупінде тұрғанын түсіндірді.
Оның айтуынша, Бірінші дүниежүзілік соғыстың алдындағы жағдайлар 2020 жылы қайталануда. Бұл туралы Қамшы тілшісі Daily Express басылымына сілтеме жасап хабарлады. 

Ұлыбританиялық саясаткер Джордж Гэллоуэй АҚШ пен Қытай арасындағы қақтығыс биылғы жылы жаһандық соғысқа ұласуы мүмкіндігін болжайды. Джордж Гэллоуэй Бірінші дүниежүзілік соғыстың басталуы мен қазіргі шиеленістер арасындағы шынайы ұқсастықтарды атап өтті.

Британияның экс-депутаты АҚШ-Қытай сауда-саттық келісімшартының бірінші кезеңінің бұзылу қаупіне назар аударды. Оның айтуынша, АҚШ Бейжіңді коронавирус таратқаны үшін «жазалаудың» жолдарын іздейді. 

Гэллоуэй Бірінші дүниежүзілік соғыстың басталуы дәл осындай сауда келісімдерінің бұзылуы және сауда соғысы салдарынан болғанын айтты. Экономикалық апат әкелетін саясаттар жаһандық соғыс отын тұтандыратынын ескертті.

Британиялық саясаткер АҚШ президентінің Қытайды экономикалық жазалау туралы ескертпесін егжей-тегжейлі түсіндірді және Трамптың жаңа тарифтер енгізіп, Бейжіңді жазаламақ болғанын да тілге тиек етті.

"Қытайдан бастап таралған коронавирус АҚШ-тағы мыңдаған адамның өліміне әкеп соқтырды" деп Бейжіңді айыптаған Трамп "АҚШ-Қытай сауда келісімінің бірінші сатысы" деп аталатын сауда мәмілесін аяқтайтынын жариялаған. 

АҚШ президенті Қытай алғашқы сауда келісімінде келісілген сатып алу бойынша міндеттемелерін орындамаса, сауда мәмілесін жоятынын айтқан.

Айта кетейік, Джордж Гэллоуэй бірнеше апта бұрын The New York Post газетіне Үшінші дүниежүзілік соғысты кімдер бастайтыны туралы сұхбат берген болатын. 

 

Талғар Дәлелғазы

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір