03 Мамыр, 2020 Саясат
BBC
Солтүстік және Оңтүстік Корея елдерін бөліп тұрған әскерилендірілмеген аймақта атыс болды. Бұл туралы Қамшы тілшісі BBC-ге сілтеме жасап хабарлайды.
"Таңғы сағат 07:41-де Солтүстік Корея әскерлері Оңтүстік Кореяның шекара маңындағы Червон қалалық күзет бекетіне оқ атты" деп хабарлады Сеулдің әскери қызметкерлері.
Оңтүстік Корея тарапынан зардап шеккендер жоқ.
Жауап ретінде Оңтүстік Корея "нұсқаулыққа сәйкес екі оқ атып ескерту жариялады" делінген әскери мәлімдемеде.
Бастапқы атысқа не себеп болғандығы белгісіз. Біріккен штаб бастықтары (JCS) оқиғаның себебін анықтау үшін Солтүстік Кореямен әскери сенім телефоны арқылы байланысуға тырысқандарын айтты.
Бұл – Солтүстік Корея әскерлері соңғы бес жыл ішінде алғаш рет Оңтүстікке тікелей оқ атқан оқиға болып тіркелді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір