• USD 468.56

  • EUR 497.56

  • RUB 7.3

  • CNY 67.18

29 Наурыз, 11:43:36
Алматы
+35°

Алматыда 2 адам коронавирус індетінен емделіп шықты. Бұл туралы қала әкімінің баспасөз қызметі хабарлады.

"Бүгін коронавирус дертінен айыққан тағы екі пациент үйлеріне жіберілді. Бұл 1997 және 1998 жылғы екі бойжеткен. Олардың бірі 15 наурызда Ыстанбұл-Алматы рейсімен ұшып келген, екіншісі вирус анықталған адаммен байланыста болған" делінген әкімдік таратқан хабарламада.

Қазақстан бойынша короновирус инфекциясынан жазылғандар саны 44-ке жетті. Ал соңғы мәлімет бойынша елімізде 584 жағдай тіркелген.

Алматы қаласында коронавирус жұқтырудың 116 оқиғасы тіркелді. Ауруға шалдыққандармен байланыста болған алты адамнан вирус анықталған.

Қазіргі кезде қаланың инфекциялық стационарларында COVID-19 диагнозы қойылған 96 пациент жатыр, олардың бірі – Алматы облысының тұрғыны.

79 науқастың жағдайы қанағаттанарлық. Ересек екі адамның жағдайы өте ауыр, тағы екеуінің жағдайы ауыр, 13 адам – орташа ауыр халде жатыр. 

Бүгінде Алматыда 21 адам ауруханадан шығарылды, соның ішінде екі бала бар. Олардың барлығы 14 күндік үй жағдайындағы карантинде жатыр.

Қазіргі кезде уақытша орталықтарда 521 адам бар, соның ішінде 79-ы – бала.

Екі күндік карантинде 390 азамат (48 бала), ал үй жағдайындағы карантинде – 4 805 адам жатыр.

 

 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір